點令BB訓林D? 魔術包巾

老一輩教落可以搽油, 整米袋. 現代姑娘就包紗巾，包被，乜都包一餐。

其實原理都係包住BB，心口有野壓實，令佢有安全感。

但波利媽自問又懶, 又怕米會有谷牛, 又話驚米袋重，又會走位焗到BB, 種種理由下整米袋實在唔啱我，好在朋友送左兩條馬騮帶（即有魔術貼款既包巾), 係BB 頭兩個月先容易訓淋D~ 極力推介 XD

而有媽媽問大紗巾同馬騮帶邊樣好：
左圖為波利仔10幾日大，由於天氣太凍得7，8度，內層和尚袍，1件外衣，再用大紗巾包實，最外面彩色為薄身毛巾被，咁樣已經夠暖，同易疏氣。但此方法於bb近滿月時開始無乜效，因為開始識郁來郁去，容易踼散。
之後BB 轉左（右邊）個隻馬騮帶，因有時會有肚風，訓時比較扭，用馬騮帶唔怕散開之餘，又包實肚仔，佢又訓得林。我最愛包到佢成條虫咁。

有人怕包實成個BB 會唔會令佢骨頭變型? 答案係唔會gei, 頭半年BB 的骨頭非常柔軟, 同埋布料有基本彈性令佢伸展, 而最好晚上時先紮較長的時間, 朝早BB就由佢喊一陣先包, 咁就無有怕啦~

最後唔好問我邊到買，我兩條馬騮帶都係人地送~