台北北投山樂溫泉

當決定去台灣浸溫泉，揀酒店又一頭痛問題，台北當然首選烏來或北投, 咁啱見到永安做PROMO 做北投水都溫泉房, 連機票都每人$1300左右, 太吸引了, 但後尾發現離開捷運站較遠, 出入都要倚賴酒店SHUTTLE BUS, 太唔方便, 再係地圖上重新search 過住宿。 

後尾搵到依間台北北投山樂溫泉 (或者你搵到山水樂酒店, 其實都係同一家) 新北投站一出, 過馬路就到, 兩邊街口分別有兩間7-11同埋有惠康Starbucks 係附近, 配套方便我地D 夜鬼, 即刻現場去片!

房間唔算細。我地房係豪華雙人間。如果你好似我地咁唔太高要求, 房既燈暗暗地我地都OK~ 

廁所夠大, 唯獨係沒有掛衫或放衫既位置, 得Sink 盤下面個到, 放多張椅都得掛? 勝在泡湯位置夠大, 我同朋友兩個一齊訓係到浸都得 ^^。

早餐部份, 你唔會要求有5星級早餐食, 起碼有咖啡奶茶同牛奶我揀, 我已心足了, 其他有滷肉飯, 面包, 熱盤, 點心你揀, 5-6樣選擇, 正常味道好好GA LA, 同埋佢會有中式冷盤你食 @.@ 怪怪咁

（酒店溫泉部份無影相）

隨了早餐，本身佢酒店每晚會包一張酒店溫泉卷，帶住房內既大毛巾，用卷去地下櫃枱換locker 匙，之後上三樓。三樓部份分開男女裸湯，地方唔算好大，但locker , 更衣室，基本護膚（卸裝，lotion, toner) 都一應俱全。入場沖身後，三樓部份係室內既冷池同暖池，而再有樓梯上四樓，係有蓋既室外湯同小型既休息間（有水機雜誌），放心四圍既木板有提供足夠既私穩度，光脫脫周圍走都唔怕比人睇。

由於佢開0700 ～ 2300， 夜晚時間太夜了，係房浸飽曬，我地揀左一早早餐後去浸，場內都係數個阿豬媽，比起夜晚人流更少，浸得更自在 XD。

今次上hotels.com 一晚都唔洗600蚊，真抵住。

* 本身想HEA 帶埋波利仔一齊黎, 但波利爸自告奮勇咁話睇住波利仔 (波子去婆婆到渡假), 咁好啦, 變左有得母親節同友人出遊! 

淘A貨dyson風扇

由於太熱了，想係屋企添置部風扇，但齋吹風dyson 都要2，3千蚊.... 太貴了。波利爸話不如試淘，都係幾百蚊。

淘左部16吋橢圓白銀色

除左依個包裝，外面重有紙箱一層，原整無缺。

自己組裝好簡單！跟佢箭咀位一拍就得。

對比起部正版hot + cool 風扇範圍大DD, 高多4吋左右，聲音唔嘈，係郁到風扇時底坐會比正版容易搖。不過整體ok.

訂貨時mark 明香港用既三腳插，店家會發香港用既貨款比你，煩少樣 :)

淘link: tmqd.me/h.uHZij?cv=AAFJghpx&sm=c3ae71

姐姐買餸更方便

👍👍👍純分享：朋友報料下，今日拎左依本由食環署印製既Booklet, 裏面有大量街市買餸時既食用品，同埋各種外文翻譯（中/英/菲/泰/印文外，連日文都有@.@），唔洗次次上網搵餐死。令愛下廚既我同姐姐更容易買溝通😍

書仔可以係各區民政事務處拎到，或

網上版：http://www.fehd.gov.hk/english/pleasant_environment/tidy_market/market_goods.pdf

重遊香港公園

十年無去既香港公園，以前係返拳每星期必經之地，而家變左帶女先去既玩樂場地。

不變既觀島園，setup多左位置，方便更近距離睇雀仔，同埋有幾層玩極都玩唔曬既兒童遊樂場
😂

十年後，記憶的草地範圍好似消失曬，得返茶具博物館前既小地方，兩個閒日放電都勉強夠玩。

小鬼們無曬電後，動植物公園唯有留返下一次再去lu~

當媽後...

在我而言，做媽後要變？生活習慣，模式因應新成員作出調整，工作，朋友，拍拖好似一下子失蹤得無影無踪？但並不代表當媽後沒有了自我。

為能陪伴小朋友成長...

我保持愛玩的心

我保持努力工作

我保持挑戰自我

當媽後應該要活得更精采！

小試班尼迪蛋 Egg Benedict

琴晚凌晨電視播開Masterchef, 果集既壓力測試係要30分鐘內煮出完美班尼迪蛋（即刻眼前一亮！）夜媽媽即搵食譜，今早起身整個靚早餐 ^^

上網睇左幾個食譜, 要準備的食材好少, 臨時係屋企都可以搵到, 最難都係主要的荷蘭汁 (Hollandaise Sauce) 煮汁, 我參考其中一個blogger 的心得, 自己第一次煮有80分成功了. 不妨用少少時間睇完. http://oniyomeryori.blogspot.hk/2014/03/egg-benedict.html

荷蘭汁準備: 
- 蛋一隻
- 水20ml左右
- Clarified Butter 澄清牛油 (屋企只有植物牛油, 用pot 煮一陣, 再用茶包袋filter 一次成功了)
- 鹽少量
- 白糊椒少量
- 檸檬水少量

水煮蛋:
- 蛋3隻
- 白醋 (倒左2下 , 懶得量)
- 鹽少量

其餘可選配件:
Muffin (無)
Salmon (無)
Candian Bacon < 咁啱屋企上次買錯左Ham, 居然有^^

開始煮 @.@
1) 同鬼嫁blogger 所講一樣. 煮汁時溫度不能錯. 我主要用綠色細玫瑰鍋, 全細火隔水蒸熱隻碗. (由於屋企無不锈鋼或玻璃碗) 所以用左最傳熱既Mr Men 大碗. 前後用左十幾分鐘打蛋, 第一次做溫度要D時間摸熟. 初先唔敢開太熱, 驚煮熟蛋. 以下係半製成品.

Hollandaise Sauce 完全係手工野, 所以出街食, 賣咁貴梗有原因.

2) 大碗繼續坐熱 (已熄火, 溫度較易掌握), 落已過濾的牛油. 雖然無澄清牛油咁透明. 但一樣做到sauce 既效果. 落牛油之後, 先放煲內熱水坐熱微溫, 再加返落D 蛋到就唔怕散開晒. 最後加檸檬汁, 鹽同白糊椒調味, 第一次成功!

3) 水煮蛋: 

- 開水時落鹽同白醋, 水滾後, 轉中火落蛋 (因為屋企煮, 唔想浪費蛋白, 所以落埋佢), 用匙圍住隻蛋打圈就可以令蛋白包返蛋黃. 煮約2分鐘可以撈起, 用廚房紙吸水. 

Masterchef 既test 時間要30分鐘內完成, 而我今次用左40分鐘左右 (因為一路放碟比波利仔睇, 所以變左個timer 知total 時間) 下次向30分鐘挑戰! 

上碟啦, 汁無散開, 係杰左少少, 水既分量下次識較好D, 賣相(哈哈哈) 下次會好D ga啦~! 用隻豬豬碟上菜笑死我~!

Close Up

切開有流心效果, 味道唔錯. 以後唔洗出街食咁貴 ^^