BB尿片架

為左迎接細細既來臨，波利媽巡例都要做下樣（第二個心態實在太鬆散了！），開始執拾下野。依個尿片架波利仔出世後一直都用開，而家為左細細只係FILL返D野落去，又可以用多兩年。

當時由朋友家中見到後，照板轉換返到自己屋企中用，非常方便。對比起現貨買個分隔袋方放床頭，有時要係廰同房行來行去，一個DIY尿片架，會更加實用同埋齊全。

這個透明膠架購自無印，比起ikea, 日本城個D，依個都係百零蚊左右，但較厚身同唔黏塵，上下共四隔，可放既東西分類較好，底下個碌仔so far 碌左年幾，重係好come 用。

BB東東分類：

第一層：爽身粉，油，安全扣針，消毒火酒，各類沖涼，BB cream/ lotion sample

第二層：乾棉*，棉花棒，救用品－剪刀，探熱針，凡士林，濕疹膏

第三層：尿片 ＋ 濕紙巾

第四層：雜物，換片墊，膠袋仔，備用乾棉

＊乾棉，可以用保鮮盒，放定每日用既份量，之後加水，每次用都好方便啦～

＊如果驚地下多塵，第三，四層可以用包書膠封實一邊。

當中我推介必備看門口：

－babyrub 薄荷膏：一般大人用既薄荷膏成份，可能會有樟腦，小朋友自然唔用得。有時幫BB搽心口或背，冬天時會暖笠笠好訓D。

－木瓜膏：乾燥，蚊叮虫咬，普通敏感紅腫都有效，勝在成份天然。

－Zinc Cream：初生時的尿布疹非常有效，因醫院時，姑娘唔會用凡士林，只會用Zinc －cream，藥房買20-30蚊

－保心安油 （或普通BB油）：BB成日無端端會有肚風，波利仔時乜都唔識，99攞左黎搓肚仔，兩野搞掂左 ^o^

希望幫到大家！

父親節大整古

父親節一大早，當波利爸媽都未訓醒時，波利仔已開始計劃送禮物比爹dad, 所以第一步先摧殘爹dad 眼鏡。（完全不敢相像一個一歲小朋友的破壞力，見到眼鏡腳的彎度，真係滴曬汗=.=")

為有加插特備節目，去陪爹dad配新眼鏡啦，重要媽mi找數 >,<"""

夜晚鍚返爹dad食蛋糕，做返乖寶寶啦！

鄭重介紹 ：波利細細

波利仔榮升大姐姐，細細波子仔於九月底面世。如果逾期多兩日重撞啱中秋節添～

要係屋企自拍下影到一張咁既合照真係難度高 >_<" 超碼較左二十次以上，波利仔先肯啱時間咁望鏡頭，重要比個串樣你。。。

南大門批發市場

南大門於會賢出6號出口。

韓國其中一個must shopping 就係細路仔衫。

NB的和尚袍同夾衣，由於唔係韓國製，相比香港下，我覺得重貴左D.

鍾意韓風打扮既mama, 真係買到無停手。

又一批發商場 - MAMA PLAZA

街邊童鞋選擇多，建議先逛一轉，鎖定心水款式先再入手，如果邊行邊買，好易去到街尾就發現無曬錢=,=

南大門批發市場其實重有好多好野賣，蔘比較平，其次眼鏡店，女仔衫，家具雜物都五花八門。如果可以留長d 時間就好了！

挨過污糟既餵食時期［1歳］

對於好多媽媽我相信身同感受，想BB自己食得到，由用手轉用食具，BB學用食具既時期，最矛盾既心情係又唔想佢整到地方污糟曬，又想快快趣趣餵完算數。

依個動作由波利仔進入一歳開始，我已經不停輔導自己，挨過左就得，忍下啦～ 幸好的係波利仔由細開始為食情況有進無減，所以相對每餐的進食時間唔會太耐。

其實由佢開始想攞餵食既食具開始，我係屋企時進食都比多一隻乾淨既食具佢，等佢free flow 學食，同埋出街時暫時同佢講要等媽mi餵， 咁佢就較少要係外面自己黎。

較容易的第一部，一定係先用叉拮食物，水果，乜都可以切到一粒粒放入口由佢自己食。

到匙羮階段時，唯有係煮飯方面留心下，煲得杰身少少，就算波利仔未識轉手腕去'不'時，隻羮都可以黏到飯，等佢有自信繼續食。

我深信越早放手，離更舒服既日子不遠矣～

孕期時針炙

多年來運動，其實身體都五勞七傷，睇得多都變半個醫師（但能醫不自醫），每隔一排就要見下醫師先安落。

其實陀波利仔時，已經有腰痛同腳既舊患問題，但第一次陀B緊係驚驚唔敢整，係上次生完同陀波子前已經快快趣將舊患睇清，但奈何身體畸型，今次陀波子時既腰痛早左黎，重痛左。

終於踏入最後百日既孕期，波利媽我勇敢地去見師傅。由於腰部份不能lock同推正位置，唯有一次過係髖關節（相中公仔遮住了）同腳跟落重針 =,=" 的確鬆返曬，但始終有點美中不足。

睇完希望剩餘既日子，腰痛唔好再加強（嗚。。。）

好多人以為懷孕期間唔可以跌打同針炙，其實只要搵想熟既師傅（當然你未睇過的話，唔好盲中中去睇），手法推拿時識避開腰背依d 高危部份，同埋敷既藥中唔好有樟腦成份，咁就安全得多啦！