[開箱] V6 fluffy (DC74)

終於開箱啦～

用UPS送到屋企，兩盒件分別早左4日到港（我日日track 住amozon 個site, 點知突然管理處就打黎話有件送，我心諗早咁鬼多）

賣家會再用紙盒pack 好，所以唔擔心包裝被破壞，而部主機個紙盒比部機個盒未免太大個了）

開盒齊曬配件，加埋吸床頭XD

由於係屋企要搵位收埋部機，又唔想放出黎比小朋友咁易掂到，最後張叉電座連主機收埋係電視柜內，裏面特別做埋電制位方面叉電，但為免拆晒D層板而就部機，所以只好將吸頭拆開放係隔離。

開機時摩打聲有點嘈，但吸力堅快，每個位吸一下，最多兩下，就乾淨曬。

除左第一日開機，吸既時間嫌舊電短得滯唔夠玩（因為大多野想吸，吸地，吸枕頭，吸公仔....），之後每日開機，吸曬所有屋企位置，其實係非常夠用（約10分鐘搞掂曬）。

雖然要日日好似transformer 又開又收有少少煩，但可以keep 住密密吸，屋企當堂少左好多頭髮 （廁所重災區）＾O＾實在太開心了～ 同埋波利仔D 飽碎餅碎唔洗煩了～！大愛依部dyson 吸塵機！

小朋友大個啦，轉床訓！

本年最麻煩既搬新家任務順利完成！

由於為迎接細細波子來臨，波利仔同細細既床位分配都係搬屋時考慮到既頭痛問題>,<" 

由於搬屋上的時間差，係8月初service apartment 因裝修關係要搬一次房，8月尾先再搬返屋企，所以我決定用這兩次轉換新環境，一次過同波利仔甩左BB床，留比細細用。

第一階段：由BB床轉單邊床 （8月頭）

頭兩日未趕得切買床欄，夜晚唯有用兩個枕頭放地下，哈哈，可能唔太高，波利仔碌過一兩次重係大覺訓，後來加左床欄就無依個問題, 配返ikea 原裝矮身個隻，幾好用，留返一呎位，波利仔可自由上落床。

第二階段：轉大人床（8月尾）

由於新既床係6呎子母床，又有一定高度（大約2呎），所以照將之前BB床欄安落去，留返中間（約1呎）比波利仔可以訓醒自己轉身落床。

為左增強第一晚返屋企適應能力，我將BB床用既床圍同一堆公仔朋友放滿床上，唔洗怕陌生。

波利仔可能由出世後既訓覺時間都較為定時，（每晚食埋最後支奶就知係night night time), 同埋我同波利爸都唔會同一時間陪佢訓，一定等波利仔熟睡時，才返房訓。所以除左第一晚波利仔返新屋新房訓時，要拍兩下等佢訓著外（我覺得佢係係新屋有點興奮＠。＠），第二晚已經可以自己一熄燈就趴低訓。轉大人床又成功了！

當然成晚流流長，由得佢關房門訓？No way! 

我通常每晚帶佢入房訓時，一定熄晒燈同窗簾，保持全黑環境入睡。我特登係 amozon 訂左個 angelcare baby monitor返黎，方便唔洗開門入房先知有無動靜。「另開文詳講點用」

到我地訓覺時，就會開返少少門隙（加門塞），有乜依郁波利仔都可以落到床開到門過房搵我地。

而家唯有等細細波子出世後，最後一個挑戰：大小同房！XD