韓國Loft 8旅館

每次去旅行最喜歡就是揀住宿地方❤️

問過好多韓精朋友意見，第一次去首爾首選明洞或弘大區，一來兩區係食野同shopping 方便都非常方便。最後波利媽媽同朋友揀了弘大區住，因為上網comment 都話明洞消費較貴，同埋弘大站有airport express 直到，車程約40分鐘左右，比起明洞轉少程地鐵同車程較近。

係韓國酒店的數目較少，反而guesthouse 就多不勝數，confirm機票後再去訂住時，唔知係咪撞正有韓星concert, 弘大區較為平靚正guesthse 好多都full booking. 搵下搵下搵到了loft 8. 

睇相睇website Loft 8開於2014年下筍，裝修間隔都好新，每間房都有獨立沖涼廁所，而離地鐵站都係5分鐘，每晚都係500港紙左右，房間都唔算細（起碼開曬喼重有地方行，所以睇左兩次就訂房了。

Loft 8 當值staff中有一兩都係香港既留學生，溝通當然無難道。而每朝7-10都有自助既早餐提供，選擇唔多，橙汁，粟米片，多士，勝在一定可以任食到飽。

Guesthouse每個角落都叫老闆精心報置，餐具都有一番心思。

下次再去可以再encore!

龍山汗蒸幕 Dragon Hill Spa

黎韓國行程首個to do item就係汗蒸幕。睇得韓劇多，實在大想親身試驗下，出發前先搜集資料，大部份土comment都話孕媽唔好去（未出發先灰心）。

好在係我再三死心不熄下再搵搵，汗蒸幕其實內部份為好多part玩, 只要你唔去到浸池同按摩，基本上你當佢係一個浴堂加休息中心便可以了。

今次我地去了網上好多介紹既龍山spa, 位置於龍山站右邊，一出站就大大個招牌見到。

夜場基本入場費為13000W, 約90幾蚊港幣，可以留到第二朝8點。當中包括沖涼，各類蒸焗等設備。

入左地下大門入口，比左入場費，佢會每人一條手帶你，包括鞋柜，locker 鎖匙，更係裏面消費show 鎖匙牌便可以，非常方便。男女生的更衣室及澡堂分開樓層（3&5樓），如果係情侶一齊去的話，就要先約好時間地點，等沖涼換衫後再匯合。

（有聲無畫既描述）係女生澡堂，波利媽同朋友仔沖刷完後，就樂而忘返，其中韓式同日式澡堂一樣，一邊係自助洗澡有花灑，盤仔同櫈仔沖涼（只有番皂提供，洗頭水要自備），另一邊有幾個不同溫度既浸池同桑拿房。

而重頭戲就落係阿豬媽搓浴部分，搓浴既收費為14000W, 全程約15分鐘左右。有好多人試過又怕難為情，因為會有阿豬媽一對一用一個菜瓜布物體幫你刷刷刷，去死皮去角質，玩完全身滑loo loo. 其實對慣裸體，同游池池更衣室一樣，當call到阿豬媽開工，佢地會除去身上唯一既背心裙，剩下好sexy 黑色see thur 內衣褲同你開工，佢會拎住兩塊菜瓜在幫你翻開內內外外咁刷乜，而波利媽媽一早講左有小baby, 所以阿豬媽刷肚時只會好輕力，不用擔心，刷完成身滑一滑重keep到幾日ga.

沖刷完後，參觀各層地方，4/F 休息室中的各種蒸焗室：

1) 零下6度，入去係地下冰冰地，為個人消暑降溫，唔太凍gei, 我都留左5分鐘左右。

2) 松本焗，我無入了，怕太高溫

3) 金字塔內既水晶房，溫度33度，入到去個人暖暖，更有人大較訓，好舒服。

其他休息室不能盡錄，有興趣可上官網睇，有齊中英文介紹同價錢資料。

黎到汗蒸幕記住包個綿羊頭～

最後我地為左浪費了一晚酒店，同埋驚第二朝唔知醒，唯有忍痛凌晨兩點回歸酒店。

難怪咁多韓友寧願搭凌晨機，慳返晚酒店，下次我都要咁做!